Ecclesie militantis (Anonymous, set by G. Dufay) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


triplum
 Ecclesie militantis,
 Roma, sedes triumphantis
 Patri sursum sidera
 Tamen cleri resonantis
 Laudem pontifici dantis
 Promat voce libera!

 Gabrielem quem vocavit,
 Dum paternum crimen lavit,
 Baptismatis sumptio,
 Eugenium revocavit
 "Bonum genus" quod notavit
 Pontificis lectio.
 Quod consulta contio,
 Qua nam sancta ratio
 Sic deliberavit,
 Ut sola devotio
 Regnet in palatio
 Quod Deus beavit.
 
 Certe Deus voluit
 Et in hoc complacuit
 Venetorum proli;
 Sed daemon indoluit,
 Quod peccatum defuit
 Tantae rerum moli.
 
 Dulcis pater populi,
 Qui dulcorem poculi,
 Crapulam perhorres,
 Pone Lento consuli
 Rem gregis pauperculi,
 Ne nescius erres!
 
 Pater haerens filio
 Spiritus confinio
 Det prece solemni
 Gaudium Eugenio,
 Perfecto dominio,
 In vita perenni!
 Amen.
 
Motetus
 Sanctorium arbitrio
 Clericorum proprio
 Cordo meditanti,
 Nequam genus atrio
 Recedat ludibrio
 Umbrae petulanti,
 Nam torpens inertia
 Longa quaerens otia
 Nescivit Eugenium;
 Sed juris peritia
 Cum tota justitia
 Sunt ejus ingenium.
 Hinc est testimonium:
 Pacem quaerit omnium
 Exosus piaculi;
 Et trinum daemonium
 Daemonis et carinum
 Pompam vincit saeculi.
 
 Quem color ipsi Poli
 Dic scutum, quod attuli
 Tibi, pater optime,
 Sacrum det, quod oculi
 Tui instar speculi
 Cernant nitidissime!
 
 Eja te, pulcherrime,
 Querimus, tenerrime,
 Moram longi temporis
 Ducimur asperrime,
 Nescio quo, ferrime
 Ad fulmentum corporis.
 
 Una tibi trinitas
 Vera Deus unitas
 Det coeli fulgorem,
 Quem linea bonitas,
 Argentea castitas
 Sectavit in morem. Amen.
 
Contratenor
 Bella canunt gentes, querimur,
 Pater optime, tempus:
 Expediet multos, si cupis, una dies.
 Nummus et hora fluunt magnumque iter
 Orbis agendum
 Nec suus in toto noscitur orbe Deus.
 Amen.

Input by Guy Laffaille

Authorship

Anonymous/Unidentified Artist

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Guillaume Dufay (c1400-1474)

Date added to the website: 2009-01-08.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.