O sancte Sebastiane (Anonymous, set by G. Dufay) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


triplum
 O sancte Sebastiane,
 Semper, vespere et mane,
 Horis cunctis et momentis
 Dum adhuc sum sanae mentis,
 Me protege et conserva
 Et a me, martyr, enerva
 Infirmitatem noxiam
 Vocatem epidemiam.

Tu de peste hujusmodi
Me defende et custodi
Et omnes amicos meos,
Qui nos confitemur reos
Deo et sanctae Mariae
Et tibi, o martyr pie.

Tu Mediolanus civis
Hanc pestilentiam, si vis
Potes facere cessare
Et ad Deum impetrare
Quia a multis est scitum,
Quod de hoc habes meritum.

Zoe mutam tu sanasti
Et sanatam restaurasti
Nicostrato ejus viro,
Hoc faciens modo miro.
In agone consolabas
Martyres et promittebas
Eis sempiternam vitam
Et martyribus debitam.
Amen

Motetus
 O martyr Sebastiane,
 Tu semper nobiscum mane
 Atque per tua merita
 Nos, qui sumus in hac vita,

 Custodi, sana et rege
 Et a peste nos protege
 Praesentans nos trinitati
 Et virgini sanctae matri.

 Et sic vitam finiamus,
 Quod mercedem habeamus
 Et martyrum consortium
 Et Deum videre pium.

Contratenor
 O quam mira refulsit gratia
 Sebastianus, martyr inclytus,
 Qui militis portans insignia,
 Sed de fratum palma sollicitus
 Confortavit corda pallencia
 Verba sibi collato caelitus.

Input by Guy Laffaille

Authorship

Anonymous/Unidentified Artist

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Guillaume Dufay (c1400-1474)

Date added to the website: 2009-01-08.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.