Ballade (Orléans, set by L. Talma) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


En regardant vers le païs de France,
Ung jour m'avint, à Dovre sur la mer,
Qu'il me souvint de la doulce plaisance
Que je souloye où-dit païs trouver.
Si commençay de cueur 'à souspirer,
Combien certes que grant bien me faisoit
De veoir France, que mon cueur amer doit.
Je m'avisay que c'estoit non sçavance
De tells soupirs dedens mon cueur garder,
Veu que je voy que la voye commence
De bonne paix, qui tous bien peut donner.
Pour ce tournay en confort mon penser:
Mais non pourtant mon cueur ne se lassoit
De veoir France, que mon cueur amer doit.
Alors chargeay en la nef d'espérance
Tous mes souhaitz, en les priant d'aler
Oultre la mer, san faire demourance,
Et à France de me recommander.
Or, mous doint Dieu bonne paix sans tarder;
Adonc auray loisir, mais qu'ainsi soit,
De veoir France, que mon cueur amer doit.
Paix est trésor qu'on ne peut trop louer,
Je hé guerre, point ne la doit priser;
Destourbé m'a longtemps, soit tort ou droit,
De veoir France, que mon cueur amer doit.

Authorship

Charles, Duc d'Orléans (1394-1465)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Louise Juliette Talma (1906-1996)

Terre de France

Available translations (or transliterations, if applicable):

ENG

English

Date added to the website: 2008-07-02.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.