Awa wi' your witchcraft o' beauty's alarms (Burns) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


Awa wi' your witchcraft o' beauty's alarms,
The slender bit beauty you grasp in your arms:
O, gie me the lass that has acres o' charms,
O, gie me the lass wi' the weel-stockit farms.

         Chorus:

Then hey, for a lass wi' a tocher,
Then hey, for a lass wi' a tocher,
Then hey, for a lass wi' a tocher;
The nice yellow guineas for me.


Your beauty 's a flower, in the morning that blows,
And withers the faster the faster it grows;
But the rapturous charm o' the bonie green knowes,
Ilk Spring they're new deckit wi' bonie white yowes.
Then hey, for a lass wi' a tocher...

And e'en when this Beauty your bosom has blest,
The brightest o' beauty may cloy, when possest;
But the sweet yellow darlings wi' Geordie imprest,
The langer ye hae them, - the mair they're carest!
Then hey, for a lass wi' a tocher...

Authorship

Robert Burns (1759-1796)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

[ None yet in the database ]

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.