Santa Lucia luntana (Anonymous, set by E. Mario) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


 Partono 'e bastimente
 p' 'e terre assaje luntane,
 cantano a buordo e so' napulitane!

 Cantano pe' tramente
 'o golfo già scompare,
 e 'a luna, 'a miez' 'o mare,
 'nu poco 'e Napule
 lle fa vede'...

 Santa Lucia,
 luntano 'a te
 quanta malincunia!

 Se gira 'o munno sano,
 se va a cerca' furtuna,
 ma quanno sponta 'a luna
 luntano a Napule
 nun se po' sta!

 E sonano... Ma 'e mmane
 tremmano 'ncopp' 'e corde...
 quanta ricorde, ahimé, quanta ricorde!

 E 'o core nun 'o sane
 nemmeno cu 'e canzone,
 sentenno voce e suone,
 se mette a chiagnere
 ca vo' turna'!

 Santa Lucia,
 luntano 'a te
 quanta malincunia!

 Se gira 'o munno sano,
 se va a cerca' fortuna,
 ma quanno sponta 'a luna
 luntano a' Napule
 nun se po' sta!

 Santa Lucia tu tiene
 solo 'nu poco 'e mare,
 ma cchiù luntana staie, cchiù bella pare!

 È 'o canto d' 'e Ssirene
 ca tesse ancora 'e rezze,
 core, nun vo' ricchezze:
 si è nato a Napule
 ce vo' muri'!

 Santa Lucia,
 luntano 'a te
 quanta malincunia!

 Se gira 'o munno sano,
 se va a cerca' fortuna,
 ma quanno sponta 'a luna,
 luntano a' Napule
 nun se po' sta'!

Authorship

Anonymous/Unidentified Artist

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

E. A. Mario (1884-1961)

Available translations (or transliterations, if applicable):

ENG

English

Date added to the website: 2004-03-29.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.