Quant em moy vint premierement

Quant em moy vint premierement
Amours, si tres doucettement
Me vost mon cuer enamourer
Que d'un regart me fist present,
Et tres amoureus sentement
Me donna aveuc dous penser,
Espoir
D'avoir
Mercy sans refuser.
Mais onques en tout mon vivant
Hardement ne me vost donner;
Et si me fait en desirant
Penser si amoureusement
Que, par force de desirer,
Ma joie convient en tourment
Muer, se je n'ay hardement.
Las! et je n'en puis recouvrer,
Qu'amours
Secours
Ne me vuet nul prester,
Qui en ses las si durement
Me tient que n'en puis eschaper;
Ne je ne vueil, qu'en atendant
Sa grace je vueil humblement
Toutes ces dolours endurer.
Et s'Amours loyal se consent
Que ma douce dame au corps gent
Me vueille son ami clamer,
Je sçai
De vray
Que j'arai, sans finer,
Joie qu'Amour à fin amant
Doit pour ses maus guerredonner.
Mais elle atent trop longuement
Et j'aimme si folettement
Que je n'ose merci rouver,
Car j'aim miex vivre en esperant
D'avoir merci procheinnement
Que refus me veingne tuer.
Et pour ce di en souspirant:
Grant folie est de tant amer
Que de son dous face on amer.

Amour et biauté parfaite
Doubter,
Celer
Me font parfaitement
Et vrais desirs, qui m'afaite
De vous,
Cuers dous,
Amer sans finement.
Et quant j'aim si finement,
Merci
Vous pri,
Car elle me soit faite,
Sans vostre honnour amenrir,
Car j'aim miex einsi languir
Et morir, s'il vous agrée,
Que par moy fust empirée
Vostre honnour, que tant desir,
Ne de fait ne de pensée.

Amara valde.

by Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

by Guillaume de Machaut (c1300-1377) , "Quant em moy vint premierement" [three-voice motet]

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!      - Emily I also have a wishlist at Amazon.ca.

Search/Shop for

Sheet music:

  Search sheetmusicplus.com for Quant em moy vint premierement, Art song , Lieder, chansons, or works for solo voice
  Search musicroom.com for Quant em moy vint premierement, vocal/choral music

CDs:

  Search amazon.com for Quant em moy vint premierement, art song, Lieder, or chansons
  Search amazon.ca for Quant em moy vint premierement, art song, Lieder, or chansons

Books:

  The Art of the Song Recital [amazon.com]
  The Book of Lieder: The Original Texts of Over 1000 Songs [amazon.com]
  French Song Companion [amazon.com]
  Search amazon.com for art song, Lieder, or chansons
  Search amazon.ca for art song, lieder, or chansons

Classical Vocal Repertoire