Hareu! hareu! le feu, le feu

 Hareu! hareu! le feu, le feu
 D'ardant desir, qu'ainc si ardant ne fu,
 Qu'en mon cuer ha espris et soustenu
 Amours, et s'a la joie retenu
 D'espoir qui doit attemprer celle ardure.
 Las! se le feu qui ensement l'art dure,
 Mes cuers sera tous bruis et estains,
 Qui de ce feu est ja nercis et tains,
 Pour ce qu'il est fins, loyaus et certains;
 Si que j'espoir que deviés y ert, eins
 Que bonne Amour de merci l'asseüre
 Par la vertu d'esperance seüre.
 Car pour li seul, qui endure mal maint,
 Pitié deffaut, où toute biauté maint;
 Durtés y regne et Dangiers y remaint,
 Desdains y vit et Loyautés s'i faint
 Et Amours n'a de li ne de moy cure.
 Joie le het, ma dame li est dure,
 Et, pour croistre mes dolereus meschiés,
 Met dedens moy Amours, qui est mes chiés,
 Un desespoir qui si mal entechiés
 Est que tous biens ha de moy esrachiés,
 Et en tous cas mon corps si desnature
 Qu'il me convient morir malgré Nature.

 Helas! où sera pris confors
 Pour moy qui ne vail nès que mors?
 Quant riens garentir ne me puet
 Fors ma dame chiere qui vuet
 Qu'en desespoir muire, sans plus,
 Pour ce que je l'aim plus que nuls,
 Et Souvenir pour enasprir
 L'ardour de mon triste desir
 Me moustre adès sa grant bonté
 Et sa fine vraie biauté
 Qui doublement me fait ardoir.
 Einsi sans cuer et sans espoir,
 Ne puis pas vivre longuement,
 N'en feu cuers humeins nullement
 Ne puet longue durée avoir.

 Obediens usque ad mortem.

by Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

by Guillaume de Machaut (c1300-1377) , "Hareu! hareu! le feu, le feu" [three-voice motet]

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!      - Emily I also have a wishlist at Amazon.ca.

Search/Shop for

Sheet music:

  Search sheetmusicplus.com for Hareu hareu le feu, le feu, Art song , Lieder, chansons, or works for solo voice
  Search musicroom.com for Hareu hareu le feu, le feu, vocal/choral music

CDs:

  Search amazon.com for Hareu hareu le feu, le feu, art song, Lieder, or chansons
  Search amazon.ca for Hareu hareu le feu, le feu, art song, Lieder, or chansons

Books:

  The Art of the Song Recital [amazon.com]
  The Book of Lieder: The Original Texts of Over 1000 Songs [amazon.com]
  French Song Companion [amazon.com]
  Search amazon.com for art song, Lieder, or chansons
  Search amazon.ca for art song, lieder, or chansons

Classical Vocal Repertoire