Dame, vostre dous viaire

 Dame, vostre dous viaire
 Debonnaire
 Et vo sage meinteing coy
 Me font vo service faire,
 Sans meffaire,
 De fin cuer, en bonne foy.

 Dame, et bien faire le doy;
 Car anoy,
 Griété, doleur ne contraire
 Onques en vous servant n'oy,
 Eins congnoy
 Que riens ne m'i puet desplaire
 Et qu'adès miex me doit plaire,
 Sans retraire,
 De tant com plus m'i employ,
 Car tant estes debonnaire
 Qu'exemplaire
 De tous les biens en vous voy.
 Dame, vostre dous viaire.

 Quant je remir vostre arroy
 Sans desroy,
 Où raisons maint et repaire,
 Et vo regart sans effroy,
 Si m'esjoy
 Que tous li cuers m'en esclaire;
 Car il le scet si attraire
 Par son traire
 Qu'en vous maint; et je l'ottroy.
 Si ne vueilliés pas deffaire
 Ceste paire,
 Dame; humblement vous en proy.
 Dame, vostre doous viaire.

 Car mis l'avés en tel ploy
 Qu'il en soy
 N'a riens n'ailleurs ne repaire
 Fors en vous, et sans anoy;
 N'il ottroy
 Ne quiert merci ne salaire
 Fors que l'amour qui le maire
 Vous appaire
 Et que tant sachiez de soy
 Qu'il ne saroit contrefaire
 Son affaire.
 C'est tout. Mon chant vous envoy.
 Dame, vostre dous viaire
 Debonnaire
 Et vo sage meinteing coy
 Me font vo service faire,
 Sans meffaire,
 De fin cuer, en bonne foy.

by Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

by Guillaume de Machaut (c1300-1377) , "Dame, vostre dous viaire" [monophonic virelai]

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!      - Emily I also have a wishlist at Amazon.ca.

Search/Shop for

Sheet music:

  Search sheetmusicplus.com for Dame, vostre dous viaire, Art song , Lieder, chansons, or works for solo voice
  Search musicroom.com for Dame, vostre dous viaire, vocal/choral music

CDs:

  Search amazon.com for Dame, vostre dous viaire, art song, Lieder, or chansons
  Search amazon.ca for Dame, vostre dous viaire, art song, Lieder, or chansons

Books:

  The Art of the Song Recital [amazon.com]
  The Book of Lieder: The Original Texts of Over 1000 Songs [amazon.com]
  French Song Companion [amazon.com]
  Search amazon.com for art song, Lieder, or chansons
  Search amazon.ca for art song, lieder, or chansons

Classical Vocal Repertoire