Dame je vueil endurer (Machaut, set by G. Machaut) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


 Dame je vueil endurer,
 Tant com je porray durer,
 Sans penser laidure,
 M'ardure.

 Sage, loyal, douce, plaisant,
 Tres bonne et belle sans per,
 En vo service faisant
 Vueil toute ma vie user
 Ne ja ne vous quier rouver
 Riens dont vos cuers puist penser
 Que je teingne à dure
 M'aurdure.
 Dame je vueil endurer,
 Tant com je porray durer,
 Sans penser laidure,
 M'ardure.

 C'est drois, que vo viaire gent
 Et vostre dous regarder
 Me font amoureusement
 Vivre en joie et demourer
 Et tant de bien savourer
 Que riens ne puis desirer
 Fors qu'adès me dure
 M'ardure
 Dame, je vueil endurer,
 Tant com je porray durer.

 Einsi vous vueil tres liement
 Doubter, servir et celer
 De fin cuer et humblement,
 A mon pouoir, honnoureur,
 Et miex morir pour amer
 Vueil qu'on sache mon penser
 Ne pour qui j'endure
 M'ardure.
 Dame je vueil endurer,
 Tant com je porray durer,
 Sans penser laidure,
 M'ardure.

Authorship

Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Guillaume de Machaut (c1300-1377)

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.