Diex, Biauté, Douceur, Nature

Diex, Biauté, Douceur, Nature
Mirent bien toute leur cure
En vo douce pourtraiture,
Dame desirée,
Car tant est plaisant et pure,
Sage en port, belle en figure
Qu'eins plus gente creature
De vous ne fu née.

Trop bien estes comparée
Au printemps qui tant agrée
Et tant ha puissance,
Qu'en li douceur est trouvée,
Verdeur, fleur, fruit et rousée
Et toute plaisance.
Einsi vo bonté seüre
Rent joie et bonne aventure;
C'est l'ente où tous biens meüre.
De tous est amée.
Tout resjoit, tout ranature,
Cuer secrement enverdure
Et fait de tristece obscure
Joieuse pensée.
Diex, Biauté, Douceur, Nature.

Aveuc ce vous est donnée
Si tres noble destinée
Qu'il n'est, sans doubtance,
Grace, tant soit affinée,
Qui devant vous ait durée,
Qu'en vostre presence
Biauté laidist et s'oscure,
Maniere n'i a mesure,
Douceur samble amere et sure -
Ja n'iert tant loée -
Joie y pert envoiseüre
Et, à regarder droiture,
Tout samble ouevre de rasture
Qui soit empruntée.
Diex, Biauté, Douceur, Nature.

Bonne, belle et bien parée,
De tres gentil renommée,
Mort ou aligence
De vo face coulourée,
Qui "tout passe" est appelée,
Aten; car sans lance
M'a fait douce blesseüre
Vo simple regardeüre,
Dont j'ay, sans plaie, pointure
Qui ja n'iert sanée,
Se vo douceur ne la cure,
Qui m'est si doucement dure
Qu'elle art mon cuer, n'en l'ardure
N'a feu ne fumée.
Diex, Biauté, Douceur, Nature
Mirent bien toute leur cure
En vo douce pourtraiture,
Dame desirée,
Car tant est plaisant et pure,
Sage en port, belle en figure
Qu'eins plus gente creature
De vous ne fu née.

by Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

by Guillaume de Machaut (c1300-1377) , "Diex, Biauté, Douceur, Nature" [monophonic virelai]

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!      - Emily I also have a wishlist at Amazon.ca.

Search/Shop for

Sheet music:

  Search sheetmusicplus.com for Diex, Biauté, Douceur, Nature, Art song , Lieder, chansons, or works for solo voice
  Search musicroom.com for Diex, Biauté, Douceur, Nature, vocal/choral music

CDs:

  Search amazon.com for Diex, Biauté, Douceur, Nature, art song, Lieder, or chansons
  Search amazon.ca for Diex, Biauté, Douceur, Nature, art song, Lieder, or chansons

Books:

  The Art of the Song Recital [amazon.com]
  The Book of Lieder: The Original Texts of Over 1000 Songs [amazon.com]
  French Song Companion [amazon.com]
  Search amazon.com for art song, Lieder, or chansons
  Search amazon.ca for art song, lieder, or chansons

Classical Vocal Repertoire