De bonté, de valour (Machaut, set by G. Machaut) (The Lied and Art Song Texts Page: Texts and Translations to Lieder, mélodies, canzoni, and other classical vocal music)


 De bonté, de valour,
 De biauté, de douçour
 Ma dame est parée;
 De maniere, d'atour,
 De scens, de grace est couronnée.

 Dame desirée,
 Richement aournée
 De coulour,
 Bien endoctrinée,
 De tous à droit loée,
 Par savour,
 Juenette, sans folour,
 Simplette, sans baudour,
 De bonne heure née,
 Parfaite en toute honnour,
 Nulle n'est à vous comparée.
 De bonté, de valour,
 De biauté, de douçour
 Ma dame est parée;
 De maniere, d'atour,
 De scens, de grace est couronnée.

 Car loyal, secrée,
 De bonne renommée,
 Sans faus tour,
 Franche et esmerée,
 Nette, pure, affinée,
 La millour
 De toutes de la flour,
 Sans mal, sans deshonnour,
 Estes apellée.
 Pour ce avés sans retour,
 Mon cuer, m'amour et ma pensée.
 De bonté, de valour,
 De biauté, de douçour
 Ma dame est parée;
 De maniere, d'atour,
 De scens, de grace est couronnée.

 Et s'il vous agrée,
 Gentil dame honnourée,
 Que j'aour,
 Qu'en moy soit doublée,
 Sans estre ja finée,
 Ma langour,
 Si vueil je la dolour
 Et l'amoureuse ardour,
 Qu'en moy est entrée,
 Endurer nuit et jour,
 Ne ja n'en serés meins amée.
 De bonté, de valour,
 De biauté, de douçour
 Ma dame est parée;
 De maniere, d'atour,
 De scens, de grace est couronnée.

Authorship

Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Guillaume de Machaut (c1300-1377)

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!
- Emily

I also have a wishlist at Amazon.ca.