Aucune gent m'ont demandé que j'ay

 Aucune gent m'ont demandé que j'ay
 Que je ne chant et que je n'ay cuer gay,
 Si com je sueil chanter de lié corage;
 Et je leur di, certes, que je ne sçay.
 Mais j'ay menti, car dedens le cuer ay
 Je trop grief dueil qui onques n'assouage.
 Car sans sejour ay mise ma pensée
 A bonne Amour faire ce qui agrée,
 Ne à nul fuer n'i pensasse folage;
 Et je sçay bien que ma dame honnourée,
 Que je tant criem, si m'a ma mort jurée
 Par crueus cuer et par simple visage.
 Car, quant je voy son gracieus viaire,
 D'un dous ottroy me moustre un exemplaire
 Et si me vuet tenir en son hommage,
 Ce m'est avis; mais aus doleurs retraire,
 J'ay ce tant pis qu'on ne me porroit faire,
 Car nuls ne puet penser si grief damage
 Com le refus que ses durs cuers m'envoie;
 Et si l'aim plus, se Diex m'en envoit joie,
 Que riens qui soit. Dont n'est ce droite rage?
 Certes, oïl; mais, pour riens que je voie,
 De ce peril issir je ne voudroie,
 Car tous siens sui sans changement de gage,
 Quant esperer me fait ma garison;
 Et c'est tout cler que monsignour Yvon
 Par bien servir, non pas par vasselage,
 Conquist l'amour dou grant lion sauvage.

 Qui plus aimme plus endure
 Et plus mainne dure vie, -
 Qu'amours qui est sans mesure
 Assés plus le contralie, -
 Que li mauvais qui n'a cure
 De li, einsois met sa cure
 En mal et en villonnie.
 Hé! Diex, que n'ont signourie
 Les dames de leur droiture,
 Que ceuls qui ont la pointure
 D'amours au cuer atachie
 Choisissent sans mespresure!
 S'einsi fust, je m'asseüre,
 Tels est amés qui ne le seroit mie
 Et telz haïs qui tost aroit amie.

 Fiat voluntas tua.

by Guillaume de Machaut (c1300-1377)

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

by Guillaume de Machaut (c1300-1377) , "Aucune gent m'ont demandé que j'ay" [four-voice motet]

Added to the website between May 1995 and September 2003.

Gentle Reminder

This project is not funded. If you found the information here useful, please consider making a donation. Your gift is greatly appreciated!      - Emily I also have a wishlist at Amazon.ca.

Search/Shop for

Sheet music:

  Search sheetmusicplus.com for Aucune gent m'ont demandé que j'ay, Art song , Lieder, chansons, or works for solo voice
  Search musicroom.com for Aucune gent m'ont demandé que j'ay, vocal/choral music

CDs:

  Search amazon.com for Aucune gent m'ont demandé que j'ay, art song, Lieder, or chansons
  Search amazon.ca for Aucune gent m'ont demandé que j'ay, art song, Lieder, or chansons

Books:

  The Art of the Song Recital [amazon.com]
  The Book of Lieder: The Original Texts of Over 1000 Songs [amazon.com]
  French Song Companion [amazon.com]
  Search amazon.com for art song, Lieder, or chansons
  Search amazon.ca for art song, lieder, or chansons

Classical Vocal Repertoire