Song Cycle by Viktor Ullmann (1898-1944)

1. Clere Venus

Authorship

by Louise Labé (1526-1566) , "Sonnet V", published 1555

Clere Venus, qui erres par les Cieus,
Entens ma voix qui en pleins chantera,
Tant que ta face au haut du Ciel luira,
Son long travail et souci ennuieus.

Mon oeil veillant s'atendrira bien mieus,
Et plus de pleurs te voyant getera.
Mieus mon lit mol de larmes baignera,
De ses travaus voyant témoins tes yeus.

Donq des humains sont les lassez esprits
De dous repos et de sommeil espris.
J'endure mal tant que le Soleil luit :

Et quand je suis quasi toute cassee,
Et que me suis mise en mon lit lassee,
Crier me faut mon mal toute la nuit.

2. On voit mourir

Authorship

by Louise Labé (1526-1566) , "Sonnet VII", published 1555

See other settings of this text

Available translations (or transliterations, if applicable):

GER German (Rainer Maria Rilke)

On voit mourir toute chose animee,
Lors que du corps l'ame sutile part :
Je suis le corps, toy la meilleure part :
Ou es tu donq, ô ame bien aymee ?

Ne me laissez par si long tems pamee,
Pour me sauver apres viendrois trop tard.
Las, ne mets point ton corps en ce hazart :
Rens lui sa part et moitié estimee.

Mais fais, Ami, que ne soit dangereuse
Cette rencontre et revuë amoureuse,
L'acompagnant, non de severité,

Non de rigueur : mais de grace amiable,
Qui doucement me rende ta beauté,
Jadis cruelle, à present favorable.

3. Je vis, je meurs

Authorship

by Louise Labé (1526-1566) , "Sonnet VIII", published 1955

See other settings of this text

Available translations (or transliterations, if applicable):

ENG English (Peter Low)

Je vis, je meurs : je me brule et me noye.
J'ay chaut estreme en endurant froidure :
La vie m'est et trop molle et trop dure.
J'ay grans ennuis entremeslez de joye :

Tout à un coup je ris et je larmoye,
Et en plaisir maint grief tourment j'endure :
Mon bien s'en va, et à jamais il dure :
Tout en un coup je seiche et je verdoye.

Ainsi Amour inconstamment me meine :
Et quand je pense avoir plus de douleur,
Sans y penser je me treuve hors de peine.

Puis quand je croy ma joye estre certeine,
Et estre au haut de mon desiré heur,
Il me remet en mon premier malheur.

4. Lut, compagnon

Authorship

by Louise Labé (1526-1566) , "Sonnet XII", published 1555

Lut, compagnon de ma calamité
De mes soupirs témoin irreprochable,
De mes ennuis controlleur veritable,
Tu as souvent avec moy lamenté :

Et tant le pleur piteus t'a molesté
Que commençant quelque son delectable,
Tu le rendois tout soudein lamentable,
Feingnant le ton que plein avoit chanté.

Et si te veus efforcer au contraire,
Tu te destens et si me contreins taire :
Mais me voyant tendrement soupirer,

Donnant faveur à ma tant triste pleinte :
En mes ennuis me plaire suis contreinte,
Et d'un dous mal douce fin esperer.

5. Baise m'encor, rebaise moy et baise

Authorship

by Louise Labé (1526-1566) , "Sonnet XVIII", published 1555

Baise m'encor, rebaise moy et baise :
Donne m'en un de tes plus savoureus,
Donne m'en un de tes plus amoureus :
Je t'en rendray quatre plus chaus que braise.

Las, te pleins tu ? ça que ce mal j'apaise,
En t'en donnant dix autres doucereus.
Ainsi meslans nos baisers tant heureus
Jouissons nous l'un de I'autre à notre aise.

Lors double vie à chacun en suivra.
Chacun en soy et son ami vivra.
Permets m'Amour penser quelque folie :

Tousjours suis mal, vivant discrettement,
Et ne me puis donner contentement,
Si hors de moy ne fay quelque saillie.

6. Oh si j'estois en ce beau sein ravie

Authorship

by Louise Labé (1526-1566) , "Sonnet XIII", published 1555

Oh si j'estois en ce beau sein ravie
De celui là pour lequel vois mourant :
Si avec lui vivre le demeurant
De mes cours jours ne m'empeschoit envie :

Si m'acollant me disoit : chere Amie,
Contentons nous l'un l'autre, s'asseurant
Que ja tempeste, Euripe, ne Courant
Ne nous pourra desjoindre en notre vie :

Si de mes bras le tenant acollé,
Comme du Lierre est l'arbre encercelé,
La mort venoit, de mon aise envieuse :

Lors que souef plus il me baiseroit,
Et mon esprit sur ses levres fuiroit,
Bien je mourrois, plus que vivante, heureuse.

Search/Shop for

Sheet music:

  Search sheetmusicplus.com for Six Sonnets de Louïze Labé, Art song , Lieder, chansons, or works for solo voice
  Search musicroom.com for Six Sonnets de Louïze Labé, vocal/choral music

CDs:

  Search amazon.com for Six Sonnets de Louïze Labé, art song, Lieder, or chansons
  Search amazon.ca for Six Sonnets de Louïze Labé, art song, Lieder, or chansons

Books:

  The Art of the Song Recital [amazon.com]
  The Book of Lieder: The Original Texts of Over 1000 Songs [amazon.com]
  Search amazon.com for art song, Lieder, or chansons
  Search amazon.ca for art song, lieder, or chansons

Classical Vocal Repertoire