1.
Language:
Latin
Authorship
Apparebit repentina dies magna Domini,
fur obscura velut nocte improvisos occupans.
Brevis totus tum parebit prisci luxus saeculi,
totum simul cum clarebit praeterisse saeculum.
Clangor tubae per quaternas terrae plagas concinens,
vivos una mortuosque Christo ciet obviam.
De caelesti judex arce, majestate fulgidus,
claris angelorum choris comitatus aderit.
Erubescet orbis lunae, sol et obscurabitur,
stellae cadent pallescentes, mundi tremet ambitus.
Flamma ignis anteibit justi vultum judicis,
caelos, terras, fluctus maris et profundi devorans.
Gloriosus rex sedebit in sublimi solio;
angelorum tremebunda circumstabunt agmina.
2.
Language:
Latin
Authorship
Hujus omnes ad electi colligentur dexteram,
pravi pavent a sinistris hoedi velut fetidi.
'Ite' dicet rex a dextris 'regnum caeli sumite,
pater vobis quod paravit ante omne saeculum;
Karitate qui fraterna me juvistis pauperem,
karitatis nunc mercedem reportate divites.'
Laeti dicent 'Quando, Christe, pauperem te vidimus?
te, rex magne, vel egentem miserati fuimus?'
Magnus illis dicet judex 'Cum juvistis pauperes,
panem, domum, vestem dantes, me juvistis humilem.'
Nec tardabit a sinistris loqui justus arbiter
'In Gehennae maledicti flammas hinc discedite;
'Obsecrantem me audire despexistis mendicum,
nudo vestem non dedistis, neglexistis languidum.'
Peccatores dicent 'Christe, quando te vel pauperem,
te, rex magne, vel infirmum contemnentes sprevimus?'
Quibus contra judex altus 'Mendicanti quamdiu
opem ferre neglexistis me sprevistis improbi.'
3.
Language:
Latin
Authorship
Retro ruent tunc injusti ignes in perpetuos,
vermis quorum non moritur, ignis nec restringuitur,
Satan atro cum ministris quo tenetur carcere,
fletus ubi mugitusque, strident omnes dentibus.
Tunc fideles ad caelestem sustollentur patriam,
choros inter angelorum regni petent gaudia.
Urbis summae Jerusalem introibunt gloriam,
vera lucis atque pacis in qua fulget visio.
Xristum regem jam paterna claritate splendidum
ubi celsa beatorum contemplantur agmina.
4.
Language:
Latin
Authorship
Ydri fraudes ergo cave, infirmantes subleva,
Therefore beware the cunning of Ydros1, support the sick,
aurum temne, fuge luxus, si vis astra petere.
reject gold, flee debauchery if you want to seek the stars.
Zona clara castitatis lumbos nunc praecingere,
Gird your loins with the pure girdle of chastity
in occursum magni regis fer ardentes lampades.
Bring burning torches to the meeting with the Great King.
View text without footnotes
1 Ydros: a watersnake (in other words, the Devil).
|
Search/Shop for
Sheet music:
 Search sheetmusicplus.com for
Apparebit repentina dies,
Art song ,
Lieder,
chansons, or works for solo voice
Search musicroom.com for
Apparebit repentina dies,
vocal/choral music
CDs:
Search amazon.com for
Apparebit repentina dies,
art song,
Lieder, or
chansons
Search amazon.ca for
Apparebit repentina dies,
art song,
Lieder, or
chansons
Books:
The Art of the Song Recital [amazon.com]
The Book of Lieder: The Original Texts of Over 1000 Songs [amazon.com]
Search amazon.com for
art song, Lieder, or
chansons
Search amazon.ca for
art song,
lieder, or
chansons
|
